عندك روج كان عاجبك وبالبيت ما عجبك!

لا يخفى ع الجميع
ان احيانا ً تصادفنا وهقات بسيطة في إختيار درجات الوان الأرواج!

.

وخصوصا ً لما نكون بس مجربينه
ع الأيد وعلى الطاير بالمحل!!

و ترجع الوحده للبيت
متشققه من الوناسة بالروج .. إلا وتتخرع من النتيجة ع الشفايف

لهالسبب .. حبيت اعطيكم
هالمعلومة البسيطة واللي افادتني كثييييير ..

واللي متوفرة عند الجميع
اكيييييد ..

.

بالبداية ... لا تقولون سمرا وبيضاء
لا كلامي نابع عن درجة لون الشفايف الأصلية!!

يعني فيه بنات سمراوات
وتناسبهم درجات ما تمشي ع كل البيض .. والعكس صحيح

والعلّه قد تكون بسبب إحمرار
الشفايف!!!!

يعني مثلا ً هالمشكلة تصادفنا
اكثر شئ بالأرواج الفاتحه مره ..

والحل بسيط جداً ... اللي تعاني
من إحمرار قبل لا تحط الروج ...

.

تتبع هالطريقة:

1- ترطب الشفايف عدل مدل
بمرطب ممتاز بدون لون!

.

2- وبعدها توزع كونسيلر
ناعم وخفيف ع الشفايف:
انصح بكونسيلرYSL

بهالشكل:

حتى تخفي الإحمرار ..
وتخلي الشفايف قريبة من لون الإيد ..
وتكون هالطبقة خفيفه مره ...

.

3- تحددين الشفايف
بقلم تحديد يكون اغمق من الروج ...

انصح بقلمين تحديد من ماك:
Plum ويناسب تدرجات الوردي
والموف والفوشي .. الخ

و

Spice يناسب تدرجات البني والبيج و
اللحمي والأورنج والمشمشي ...

.

4- بعدها توزعين الروج
وتدمجينه بالفرشاة مع التحديد وتموهيين حتى يختفي
التحديد نهائيا ً ويمتزج مع الدرجة!

.

5- بعدها توزعين القلوس
بكثافة ع الشفايف ... وشوفي وشلون راح تعجبك النتيجة!!

.

صدقوني هالطريقة مجربة 100%
وخلتني استفيد من كل الأرواج بدون استثناء!

وهالقاعده تنطبق
فقط ع الدرجات اللي طلعت
نتائجها غير ع الشفايف ...

وبكذا تستفيدون
من كل الأرواج المركونة على عينها بالأدراج خخخ

ولا تنسوني من دعواتكم

*** منقول للفائدة ***

يعطيك العافية

يعطيكي الف عافية حبيبتي