الاشياء اللي على البنت تسويها قبل الخطبه؟؟؟

الاشياء اللي على البنت تسويها قبل الخطبه

وهي تنقسم لاقسام

أ)علاقه البنت بربها

أي بنت تبي ربي يوفقها ويرزقها باللي تبي تتقرب الى الله (اكيد كلكم تصلون وتصومون) لاكن فيه أشياء نهملها احيانا وهي
#الصدقه# تراها دفع بلا
#الدعاء# وخاصه في الثلث الخير من الليل
يابنات ربي بعزته وجلاله ينزل الى الساء الدنياعشان ندعي والوحده ولا همها ما تكلف نفسها تروح تصلي ركعتين
نصيحتي قومي من نومك قبل اذان الفجر بنص ساعه وتوضي وتجهز مكان هادئ والضوء خافت وتلتجأ الى الله تقرا لو صفحه واحده من القران وتصلي ركعتين وترفع يدينها للسماء تستغفر لذنوبها وتدعي الله
جربوها صدقوني اللي يصير انشراح بالصدر وشعور غريب وحلو
ولا تنسين وانت تدعين تخيلي الجنه تنتظرك باذن الله..
# الابتسامه# اولا صدقه
ثانيا تخلي الوجه احلى وترفع الخدود

ب) علاقه البنت مع جمالها وجسمها

- حافظي على نظافتك بشكل دقيق وخلي ريحتك دايم عطره
-سوي لنفسك جدول للعنايه بالبشره والشعر ولا تهملين الرياضه.
- رطبي جسمل طوال اليوم خاصه بعد الشور وخلي اخر مويه تنزل عليك بارده عشان الجسم ينشد
- النوم وما ادراك ما النوم لازم تامين بالليل (علمي روحك) انا اذا نمت باليل وصحيت ياي تقولون ملكه جمال
بس تدرون وين السر
انه يكون نوم ليل
وانك تكتفيييييييييييييييييييييييين يعني تشبعين
اهتمي بنظافه اسنانك ( انصحكم بالسواك خليه معالك حتى وانت قدام التلفزيون) واي مشكله من البدايه روحي لطبيبه
بالنسبه للمكياج واللبس كل واحد وذوقها لاكن لاحظي
مكياج الصباح والليل يختلفون
ملابسك قللي الالوان الغامقه وكثري الفاتحه خليك زي الفراشه0 البسي الي يناسب عمرك وجسمك

ج) عنايه الفتاه بالمنطقه الحساسه

فيه نصائح لازم تمشين عليها ولا بتندمين ..
1لاتمشين على شي بارد وانت حافيه القدمين
2لاتجلسين على شي بارد
3لا تحملين شي ثقيل مهما كان
4اذا جت الدوره البسي فو
ق الكلوت شورت اوبنطلون لازم ولا ترى يدخل الهواء والبرد ويسببون لك مشاكل واشربي يانسون قرفه شمر بس لا تكثرين
5فيه نصيحه تقول لا تستحمين ايم الدوره واذا بغيتي اولا غسلي شعرك وبعديه مسحي جسمك بفوطه مبلله ((بصراحة ماني مقتنعة فيهابس حبيت أقولها لكم زي ماسمعتها))
6قللي من الزبادي والباميه والاشياء اللزجه وكثري من الخضروات والفواكه
-اهتمي بنظافتها وبعد الدوره حطي مسك وتمتعي بالانتعاش

د)التغذيه

باختصار خلي غذائك متكامل وشوفي البشره المتغذيه
( هالنقطه راح اتكلم عنها بعدين)

ه) شخصيه الفتاه وعلاقتها بالمجتمع

-خليك مبتسمه دائما وعودي نفسك
-كوني ذوق مع الناس ودبلوماسيه بتصرفاتك وكلامك واذا طلب شخص منك خدمه
اذاتقدرين .. قدميها بطيب نفس وكلام حلو
اذا ما تقدرين.. اعتذري باسلوب راقي
-حاولي ما تنامين واحد زعلان عليك او انت زعلانه على احد
-مشيتك لازم تكون راكزه وكتوفك مرفوعه وراسك لقدام ومشيتك كلها نعومه وانوثه
- ثقي بنفسك مهما كانت عيوبك حاولي تعدلينها مو تفقدين الثقه( اللي يمشي واثق يمشي ملك)
-خلي صوتك دايم هادي وكلامك قليل ومفيد ولا تقاطعين احد بكلامه
واذا تكلمتي مع مجموعه لا تقدمين راسك خليك ثابته وكلامك شوي شوي.
انتبهي لطريقه اكلك وتعلمي الاتكيت.
ثقفي نفسك بكل المجالات ولو معلوات بسيطه وكثره القراء بتغير من شخصيتك للافضل بدون ما تحسين
ثقفي نفسك بامور الزواج وخلي المعلومات توصلك من اماكن موثوقه ومحترمه.

..م..