اول شي المقادير وتكفي 12 شخص
دجاجتين كل دجاجه مقطعه اربعه
2 لتر مويه
3 حبات مستكه وحبتين هيل
ملح وفلفل اسود وكمون
لتر حليب بودره مسوى في المويه بس يكون ثقيل شوييييه
زيت للتكشين
9 بيالات رز مصري
قطعتين زبده للزينه
الطريقه
قبل كل شي هذي صورة المستكه للي مايعرفها
نحط الزيت في قدر الضغط ونرفعه على النار
ونحط في الزيت المستكه والهيل الين تسيح ( تذوب ) المستكه زي كدا
بعدين نضيف الدجاج عليها ونحمسه معاها شويه زي كدا
بعدكدا نحط الملح والفلفل الاسود والكمون زي كدا
بعدين نضيف المويه ونقفل القدر ونتركه نص ساعه لحد مايستوي الدجاج
بعد كدا نصفي الدجاج ونحطه في صينيه ونحط الرز في موية الدجاج ونتركه لما يبدأ يغلي نقفل القدر ونرخي
النار شويه ونخليه 7 دقايق في هذا الوقت ندخل صينية الدجاج في الفرن ونولعه بس من فوق عشان يتحمر الدجاج
وبعد مانفتح القدر حيكون شكل الرز زي كدا
نسوي مقدار الحليب باننا نذوب الحليب في لتر مويه بس نراعي انه مايسير خفيف بل انه اثقل من الطبيعي شويه
وهذا مقدار الحليب
نجلس نقلب الرز الين يثقل ويغلي غليتين
بعد كدا نغرفه في صحن التقديم ونحط الدجاج على وجهه وقطعتين الزبده تتوزع عليه ويرش قليل من الفلفل الاسود
وهذي صورته النهائيه وتقدم معاه سلطة الطماطم المطحونه ( الدقوس )
وصحتين وعافيه على قلوبكم
منقووووووووووووول
الأحد ديسمبر 07, 2008 1:00 pm
